Sa cunferèntzia regionale de sa Limba Sarda bos la conto in sardu

20140112-233251.jpg

Sàpadu 11 de bennarzu so andadu a sa Cunfèrentzia de sa Limba Sarda, in Casteddu Sardu, segunda die de un’abboju contivizadu dae s’assessoradu a sa cultura de sa regione sarda e chi at bidu òmines de Sardigna impignados a dare manu manna a sa limba e a sa cultura sarda: tra custos mentovo su Presidente Ugo Cappellacci, s’Assessore Sergio Mìlia, su Diretore de su Servìtziu Limba Sarda Pepe Coròngiu, su giornalista e istudiosu Paulu Pillonca, su sabiu de poesia in limba Antoni Canalis, àteros istudiosos de sa limba sarda, poetes, cantadores e àtera bella zente aprodada pro iscurtare paràulas e sonos e si fàghere una mata de gosu, ponzende in contu de si atatare bene bene de sos nuscos de sa cultura sarda.

Apo fintzas àpidu su piàghere de fàghere una faeddada. Est istada una die nodida, pro sa limba sarda e pro sa Sardigna. Est brotada sa potèntzia de su faeddare in sardu e sunt bessidas a campu sas intragnas pius cuadas de su “essere” de sos sardos; sa limba s’est posta a cùrrere abberu, e at leadu fua, fua meda. Sos chi sunt aprodados b’ant abbojadu sa Sardigna cantu est manna, ant intesu mudare s’essu de sa faeddada (campidanesu, logudoresu, barbaricinu, castellanesu, cadduresu) ma semper intro sas làcanas de una donosa unidade. Pariada unu cuntzertu dìligu e bene intonadu. Inue b’at limba, b’at Sardigna.

A mie est piachida meda s’idea de pònnere sa limba a punta innanti, de faeddare de sa limba sarda no a manera de cosa de abbaidare, a sa moda de sa campana de bidru, ma comente cosa de istimare, emmo, ma faeddende-la, comente a nàrrere chi faeddende-la ebbia la podimus pònnere in chelu. (Ite curiosos chi semus nois sardos: si est veru chi in totue sa cultura est in maralta, in custa isola nostra diat pàrrere chi sa cultura est s’arrejonu su pius mannu chi si potat fàghere. Semus o no semus su chi si narat “deviant-zia” istatìstica? Est chi no lu devimus pònnere de pius in conca, no est a lu nàrrere a paràulas ebbia).

Si leamus sa limba, prenda de sa cultura sarda, dia nàrrere, sos sardos (dis)sardizados — gasi naraiat su biadu de Remundu Piras — pianghent semper su disisperu insoro pro no àere àpidu su donu de sa limba. Tzertu, sa neghe no betàmula a s’apàrpu, ma nessi unu cumbidu lu faghimus a custa bella zente: si b’at manera dìliga de leare cumpresa de sas fainas de sa limba, e de cumprèndere cantu issa est funguda, e de cumprèndere fintzas cale est s’ispera pro chie la cheret faeddare e iscrìere mancàri a mannu; tando, cheret chi si lasset sa mandronia, si arzient sas patitas e si tuchet a bìdere custas manifestatziones e s’iscurtent sas faédhadas istelevradas. De àtera manera no b’at sorte. Pro chie si cheret “sardu” cun su donu de sa limba, custos sunt mamentos de no faddire.

Custu pro cumprimentare sos chi ant contivizadu s’abboju e, paris cun issos, sos chi a custu abboju sunt aprodados! Ca, piseddos, namu nollu, si no b’at zente no b’at gara. Sigomente, e pro bona sorte nostra, sos chi setzint in sos logos istitutzionales in custos ùrtimos annos ant dadu un’apretada bona a s’arrejonu in limba, e a sa limba matessi, chircamus tando de li pònnere ifatu e de li fàghere intèndere chi c’at zente meda chi si nde cuntentat abberu de su chi faghent e chi li narant gràtzias, ca in custa manera sa limba torrat bia e si aberit a totu su mundu sardu, fintzas a cussas pessones chi ant intro de issas un’arrejonu comente custu chi so iscriende ma chi, a bortas, no resissint a lu serare luego.

Àteros annos mezus!

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...