Cuadernos oschiresos: Antoni ‘e Sini, Lelle ‘e Sanna, Franco Addis

20140408-223018.jpg

Tres persones, tres, mi sunt semper istadas mentovadas in àteras biddas comente oschiresos connotos in totue. Cantas bias apo istranzadu in foras, comente si faghet, ischende chi fiat de Òschiri, mi beniat nadu: «De Òschiri ses? Eo in Òschiri bi connosco custa persone…». Duncas, pro s’esperièntzia chi nd’apo eo, sas persones sas pius mentovadas e assotziadas a Òschiri diant èssere: Antoni ‘e Sini, Lelle ‘e Sanna, Franco Addis. Mi, abbaidade, a bos la narrere tota non b’at pro-priu cunfrontu cun àtere. Donzunu de custos pro s’arte sua.

Antoni ‘Sini pro àere trabagliadu in mesa Sardigna comente camionista: Caddura, Barbagia (trabaglieit fintzas in su Taloro in Gavoi). Posca in Òschiri, pro una vida, comente padronu de su ristorante Italy. Narat bene Lello ‘e Muru cando iscriet chi su primu a fàghere a connòschere sa panada oschiresa est istadu su biadu de tiu Antoni.

Lelle ‘e Sanna est connotu ca at fatu polìtica dae minore e fintzas a como. In su 1956, cando lu fateint sindigu pro sa prima borta, fit su sìndigu su pius giòvanu de Italia e non aiat giòmpidu sos bintidrès annos. In pius de chimbanta annos de atividade polìtica s’est fatu a connòschere in donzi parte ‘e logu de Sardigna. Lelle ‘e Sanna at fatu sa carriera sua in sa Democratzia Cristiana, in antis in sa currente de sos giòvanos turcos e posca cun su grupu de Pietrinu Soddu.

Franco Addis est istadu su giogadore de fuba pius importante de s’Oschirese pro nessi bìndighi annos, dae sos primos annos sessanta finas a sa fine de sos annos settanta. Posca at fatu s’allenadore e fintzas su presidente. Pro annos e annos, cun s’Oschirese chi faghiat sa promotzione regionale a girone ùnicu, tando sa sèrie de chimbe de su fùbalu italianu, Franco Addis e s’Oschirese fint una cosa ebbia. Oe chi est oe, si unu abbojat zente sarda chi at bìvidu su fùbalu in Sardigna in cussos annos e at àpidu ite a fàghere cun s’oschirese, deretu mentovada a Franco Addis. E l’ammentant comente si diat pòdere ammentare unu atore de spaghetti-western: lestru, bàsciu, malu e semper a pees parados pro istropiare su difensore.

Custas tres persones sunt istadas de sas pius nòdidas de sos annos sessanta e setanta, cando si pensaiat Oschiri beniat in falada a pensare a unu de issos tres.

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...