Mundial 2014: trìunfu tedescu!

20140713-221042-79842450.jpg

Sa gherra chi ant pesadu sos giogadores argentinos in su primu tempus non benit bene. Donzunu s’at leadu un’aversàriu e si l’at giogada manu e manu, chena timere, cun briu, giompende pro primu subra donzi fùba. Sos tedescos sunt parfidos assuconados, a mesu tempus pariant sos brasilianos de s’àtera die. Ma si nde sunt torrados a pesare in lestresa. Pro bona sorte issoro sos sudamericanos non b’ant greciadu e su primu tempus nche l’ant cumpridu in su 0-0. S’Argentina m’at ammentadu su essu de s’Itàlia 1982. A sos puntos diamus dare sa bìnchida a sos “arvosarzos” (albicelesti), ma sa Germània, a ratzigone, at coglidu unu palu propriu a s’ùrtima iscuta. M’at ispantadu, e meda, bidere òmines de sa Sèrie A, leados belle semper comente giogadores metzanos (Romero, Biglia), chi in su mentres, a dolu mannu de sos mastros italianos, si giogant sa finale mundiale a totu coddu (e chie non cheret crepet).

Partit su segundu tempus et est torra tempus de s’ispantu: Lavezzi foras pro Aguero. Custu Aguero non est chi nos apat mai istrevozidu, boh, a bidere istamus. S’Argentina si ponet a duas puntas prus Messi e cumintzat forte. Fùba e via, e propriu Messi si faddit unu gol mannu cantu una domo. Sa Germània paret mandrone-nde ma da chi si presentat in àrea anzena piaghet semper. Aguero non mi cumbinchet a beru, paret prus bravu aboghinende che gioghende. S’Argentina, in su mentres, apretat e sa Germània sufrit. Cando sos tedescos acherant su cucu sos argentinos li faghent serare s’anca, finas si gasi fatende bruscant duas ammonitziones. Sas iscuadras, barigados 25 minutos, cumintzant a essere longhitas.

Àteru càmbiu: Palacio pro Higuain. In Itàlia su C.T. aiat cumintzadu a friere in padedda. Sa Germània, a deghe minutos deghe dae sa fine, si faddit unu gol cun Kroos àpena in foras de s’àrea manna. S’acùrtziant sos suplementares e subra su Maracana est iscuru mannu. Aguero, in su agabbu su recùperu, mi torrat contu de sas dudas mias.

Finit su tempus, Messi s’est atzesu a momentos ma non est resessidu a marcare sa “finale”. B’at de narrere chi Messi est intradu in partida meda prus de Müller.

Suplementares a razu: sa Germània podet marcare posca de trinta segundos! Sete minutos e tocat a Palacio a si mandigare unu gol fatu! Su mezus in campu est Mascherano pro s’Argentina. Cun sos giogadores istracos sa partida podet ispantare dae unu momentu a s’àteru. Cumintzat s’ùrtimu cuartu de ora de sos mundiales 2014 e su tempus de giogu paret a beru lenu lenu. In una atzione cale si siat partit unu cross dae manu manca e Goetze lassadu solu che lèpere marcat 1-0 pro sa Germània. Imbagliu mannu de sa defensa Argentina. Sos sudamericanos como apretant ma paret apretonzu chena cabu. Neuer est su mere mannu de s’àrea sua. A su 120º punitzione pro Messi: in chercos!

Sa partida agabbat gasi, sos tedescos trìunfant e tenent s’Itàlia a bator mundiales bìnchidos. Messi perdet e mancu a custu giru tenet a Maradona. Diego Armando sighit a nch’istare a tesu meda!

 

 

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...