Santu Istèvene: sìmbulu de sa Sardigna chi sos sardos non connoschent!

In Òschiri b’at un’altare in sa roca, li narant s’altare de Santu Istèvene. S’agatat in intro unu situ mannu meda, in ue b’at preistòricu, b’at bizantinu, b’at mediuevu, b’at cristianèsimu antigu e nou. A curtzu a s’altare si podent bìdere ses domus de janas (in oschiresu “furrighesos”), posta a ogros a s’altare, imbetze, s’agatat una crèsia fata in su 1492. Custu altare, a cantu paret, est unu unicum in Sardigna. A como niunu de s’Archeologia manna (Universidade e Sovrintendèntzia) b’at fatu un’istùdiu monogràficu e nemmancu una proa de iscavu. Non l’agatades in peruna guida archeològica de sas chi de prus girant pro Sardigna, nen in sos sitos archeològicos famados e nen in sos bar/autogrill de sas istradas printzipales. Est unu situ chi ispantat finas ca si nd’at intesu mentovare pagu e cando unu b’andat in bisita pro sa prima borta si atzapat comente rutu in unu bisu.

S'altare de Santu Istevene fotografadu dae Giovanni Carru
S’altare de Santu Istevene fotografadu dae Giovanni Carru

A su situ si podet èssere acumpangiados dae su Sòtziu “Su Furrighesu” de Òschiri e màssimu dae  Jogli/Giorgio Pala. Chie cheret cumprèndere comente un’òmine potzat amare su logu suo e potzat faeddare cun cussu logu, tando, cheret chi fatat a pare cun Jogli/Giorgio Pala e si fatat giùghere dae isse in sas camineras de su situ de Santu Istèvene in Òschiri.

Onni annu su Sòtziu “Su Furrighesu” contivigiat un’addòbiu culturale cramadu “Archeologia suta de sos isteddos”. In sos annos b’at acudidu iscritores e intelletuales, launeddas e tenore, ballu sardu e cantu sacru, mùsica sarda lèbia, poesia e contos in limba. Su programma est: bisita a su situ ghiados dae mastru Jogli/Giorgio Pala (e cando si lompet a s’altare b’at de si nde trèmere dae su sentore), posca presentada e aparitzada de una serada de cultura e de mùsica sarda.

Onni annu semper prus gente benit a lu bisitare, meda non sunt sardos ma istràngios. S’augùriu est chi finas sos sardos cumintzent a connòschere unu siddadu nòdidu chi faeddat, emmo, ma in suspu, in sa mègius traditzione nostra.

Chie nde cheret ischire de prus si podet e si devet lèghere su libru “Oschiri. Guida all’altare rupestre di Santo Stefano” (Ed. Carlo Delfino) iscritu dae Giacomo Calvia.

Annunci

Un pensiero su “Santu Istèvene: sìmbulu de sa Sardigna chi sos sardos non connoschent!

  1. Pingback: Sos post prus lèghidos de su 2014 (iscritos in sardu) | Roberto Carta

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...