Zero catzarola! Custu est su puntègiu leadu dae #Cagliari2019

Pasolini a Matera - 1964
Pasolini in Matera, 1964, in su set de “Il Vangelo secondo Matteo”

A ti los intendes? Como sunt totus aboghinende su pro ite #Cagliari2019 non bi l’at fata. Sa #capitalecultura2019 est #Matera2019. De chi est sa neghe? Esistit una neghe? Lego chi calicunu faeddat de malos ordimìngios angenos, àteros narant chi sos giùighes europeos sunt istados tontos a beru ca non ant cumpresu chi Casteddu est sa capitale de una «Natzione» (raju! Ma issos cumpresu l’ant?), aterunos betant sa neghe a sos progetistas (ca como semus totus progetistas…). Totu una sotziedade, cussa sarda, in custa cosa b’at crèidu pagu, ca sa cultura, in fundu in fundu, la leada meda a pagu contu. Piseddos caros, sa cultura non est a pònnere unu contrabbassu a curtzu a curtzu a sa barraca de su comitadu chi devet buscare su dinare pro sa festa bendende sartitza arrustu. Sa cultura est àteru, devet èssere onni die, est in su chi si creet, est in onni pedra traballada, est in onni màndigu bonu, in sa capatzidade de collire e fàghere istrangiare s’angenu, est in sa limba chi si faeddat e in su comente benit faeddada, est in s’idea de bellesa chi s’at. Pro unu sardu unu de sos magistèrios culturale prus artos est a faeddare in sardu. Cultura est a si pònnere in caminu e a girare Casteddu e s’Ìsula sarda intrea cantu est manna, a lu fàghere semper e a l’ischire fàghere. Sa cultura est cando b’at ispantu e si a unu non benit insingiadu a s’ispantare non bi podet àere cultura. Nd’agis de s’àsiu de apeddare, mancari bos nde falent sas barras.

Annunci

2 pensieri su “Zero catzarola! Custu est su puntègiu leadu dae #Cagliari2019

  1. Sa cultura est puru de ischire leare imparos dae sas rutas e bortare-las in ispintas a in antis chena s’addobbare punzos in petorras o perdende tempus a criticare o acatare gulpevoles.

  2. Cando appo isckidu de custa cosa (capittale noiscoitte…) fatta a sa cua (ei, a sa cua! Ca sa parte manna de sa zente non d’iskiat proppriu nudda), mi soe postu a ridere afforte!
    Itte lampu! Bos kerides faker mannos i’ s’Europpa, SENDE NANOS IN DOM’OSTRA?
    I’ su mese ‘e maju, keria andare dae Continente, a bidere su Nurake de Iddanoafranca: appo faidadu comente lompere ai custa idda dae s’aeropportu de Casteddu, kin sa corriera o kin su trenu. A l’iskides cantu tempus bi keret, moende a ora e sas noe de manzanu? Fippo lompidu a ora e sa una de ortaidie! Ma nemmancu a Biddanoa, ma in d’una idda accurzu, ca su postale di firmat cue!
    E, nademi bois, si unu “turista” bi ponet kimbe oras pro fakere barantakimbe kilomettros, itte lampu de mannaria li innittamus a s’Europpa! SU MAKKINE!
    mikkelj

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...