Aboghinare e non andare a votare non giuat a nudda

Chie non andat a votare agiuat a Renzi. Lu faghet meda prus forte, lu ponet in unu tronu semper prus bellu. O, si cherides, lu faghet prus pagu dèbile de sos àteros. Àgiu nd’ant de aboghinare. In Emilia Romagna nd’est faladu unu mundu: dae su 70% de eletores de sas ùrtimas europeas a su 37,7% de custa domìniga. In giru de ses meses unu mancamentu de su 32%. Pro su PD in nùmeros faghet 677.283 votantes in mancu isceti in Emìlia. E su Pd at bìnchidu. Cosa de non creere.

A pàrrere meu a Renzi de canta gente votat non nde l’afutit pròpiu nudda. Isse s’interessat de sa pertzentuale, est cun cussa chi unu binchet e guvernat, totu su restu est lana. Si est beru chi Renzi in sas Europeas at leadu prus pagos votos de Veltroni in su 2008 e finas beru chi a isse custu arresonu non lu tocat. At bìnchidu in Emìlia e in Calàbria, est su primu partidu intre sos chi andant a votare, puntu. Prus a totu no at a niunu chi lu potzat pònnere in oriolu: Berlusconi est a sa frùtora, Alfano non est mai nàschidu, su M5S non resesset a si pesare in bolu. A parte Renzi s’ùnicu chi diat pòdere brinchitare est Salvini: in Emìlia at leadu su 19% ma est difìtzile meda chi lu potzat leare in totu s’Itàlia, màssimu in su Sud.

Duncas Renzi non at aversàrios, si sa matemàtica narat chi at minimadu sos votos sa realidade contat chi sos àteros istant peus meda de a isse. Si pro casu si diat votare cras arriscat de leare unu votu bùlgaru (nessi intre sos chi ant a andare a votare). E su chi permitit de guvernare non sunt sas lanas ma sas pertzentuales. Si podet cumprèndere chie non andat a votare, bene meda, ma chie non votat faghet crèschere sa fortza de Renzi. Non bi cheret su grecu antigu pro lu cumprendere.

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...