Est una «matemàtica» sa diretora de sa limba sarda. Bi creides emmo o nono?

Nos podimus fàghere un’idea de una Giunta regionale in pagu tempus? Forsis podent bastare duas o tres cositeddas. Pro como.

Comintzamus dae sas iscummissas mannas chi ant fatu Pigliaru-Paci custu istiu cun Renzi (e cun sos sardos): sa prima est chi si sa sanidade sarda (chi non at un’ispesa «sugeta» a patu de istabilidade) resessat a minimare sas ispesas suas in manera de fàghere unu logu finantziàriu prus lascu a sas àteras ispesas (cussas currentes de sa Regione naramus); sa segunda chi s’economia isulana crescat e creschende fatzat artziare sas intradas fiscales, bidu chi totus su chi si incassat si podet ispèndere cun rispetu de su parègiu de bilàntziu. Pro como sos sinnales non sunt gasi bonos e a las abbaidare in custu momentu custas iscummissas parent a beru atrividas.

S’àtera cositedda est in s’arresonu de sa limba. Su Servìtziu de sa limba sarda de s’assessoradu de sa pùblica istrutzione est abarradu chena diretore pro meses e meses e giustu in antis de eris ant fatu diretore una dirigente de sa Regione, Maria Isabella Piga. Laureada in matemàtica, una femina chi in sa vida professionale sua at fatu cosas meda e de seguru bene: sa sàbia de istatìstica, su dirigente de staff in sa diretzione generale de s’assessoradu de su traballu, su presidente de sos nùcleos de valutatzione de sos bandos Por, s’animadora in contu de oportunidades parìviles. Ma de limba? Ite at fatu in contu de limba? Non b’at niunu chi l’iscat, lego in sos giornales e non b’at iscritu nudda, paret chi sa cosa non importet. Ma a chie non importat? Ma si pro casu in su mundu b’at calicunu chi l’ischit, tando, sa pregunta mia est semper sa matessi: ite at fatu Maria Isabella Piga in contu de limba sarda? Ma sa pregunta prus cumbinta diat dèvere essere: a nd’ischit de sardu? A lu faeddat? Iscritu mai b’at in sardu? Custa Giunta Pigliaru m’ammentat meda cussos dirigentes de su Pd chi pro annos e annos non sunt mai resèssidos a tocare sa mata de sa gente, a serare sos disìgios de su pòpulu. Forsis sunt totu assuconados, timent chi li bèngiat leadu dae manu su pòdere intelletuale, unu podere chi ant ischidu bene istrogare a manera cortigiana, semper. In custu momentu, àteru non sunt si non caratzas istracas chi chircant de cuare unu bòidu. E lu faghent in sa matessi manera de sos democristianos de sos annos setanta o de sos post comunistas de sos annos noranta: «leghende» dae mangianu a sera su Gattopardo, chirchende sos minùgios de cussu ditzu nòdidu: «Si cherimus chi totu abarret comente est, cheret chi totu mudet». Isballu mannu, si sunt cumbintos chi sos sardos sunt galu cundennende su «fàghere» s’ant fatu contos malos. Sos sardos, màssimu sos chi at prus pagu de 50 annos, non cherent prus su sonnu, non timent su fàghere. Sunt pròpiu a s’imbesse de custa manera de èssere: cherent una polìtica atrivida e non serare prus su fragu de su Gattopardo.

Pro como ischimus chi:
– su Pranu Triennale no est istadu aprovadu, s’Osservatòriu regionale no est cunvocadu, sos istantziamentos de su bilantzu 2014 segados in totu, sos ufìtzios linguìsticos, (malas promissas) ant pèrdidu sos contributos integrativos e arriscant de serrare totus dae su primu de ghennàrgiu.
– non si connoschet galu su pensamentu de sa Giunta Regionale in contu de limba ufitziale standard. Pro como s’est naradu pagu, in manera tzarameddosa e finas imboligosa. Si cheret torra dialetizare su sardu?
– pro sa prima bia dae su 2009 su guvernu regionale no at asseguradu su finantziamentu a s’insinnamentu de su sardu in iscola. A nota mala ocannu non s’at a fàghere mancu sa cunferèntzia annuale de sa limba sarda chi est obligatòria pro lege.

Ite li naramus a totu custu? Gattopardo a totu coddu! E si sunt gattopardos in sa limba aprontade·bos finas pro su restu…

Annunci

2 pensieri su “Est una «matemàtica» sa diretora de sa limba sarda. Bi creides emmo o nono?

  1. Pingback: Arratza de chida linguìstica! Finas ca chena limbas non si faghet turismu internatzionale | Roberto Carta

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...