Benide, benide! Pro «Comasinos Abbeltos» in Òschiri, sàpadu custu.

Comasinos slogan

A custu giru proo a iscrìere in saldu oschiresu e lu fato pro faeddare de s’abboju contivizadu dae s’Assotziu “Alberto Arberi” e giamadu «Comasinos Abbeltos». S’at a fàghere sa die 20 de custu mese, custu sàpadu, dae inoghe a pagas dies duncas.

B’at de nde faeddare pro sos oschiresos, in antis de totu, e posca finas pro sos furisteris chi ant a acudire.

«Comasinos Abbeltos», semus a su segundu abboju, at ispantadu unu pagu totu sos oschiresos chi ocannu passadu sunt essidos e ant visitadu sos comasinos, sos bucios e sos butighinos aprontados pro fàghere assazare màndigos e binos.

Màndigos cales? Faeddamus de cuddas cosas licanzas chi a die de oe si mandigant semper pius pagu e chi in Òschiri sighint a agatare su giustu contivizu: sa fae cun laldu, su pane briotidu, su casu arrustu, sa supa cadduresa, sa pulpedda, sas panadas, sa saltitza arrustu, s’anzone cun pubusa, sa colda arrustu e sa tripa, s’alveghe arrustu e a istitzadura, s’istuvadu de àinu, sa pulenta a s’antiga, sas catas, sas còtzulas, sas seadas, e finas calchi cosa non de inoghe comente sos paninos cun su pulpu, sa porcheta e sa frissura de terra e de mare.

Binu cale? Unu si podet isgloriare, paltimus dae cussos antigos, dae su Velmentinu oschiresu a su Cannonadu, dae su Pascale de Cagliari-Muristellu a su Muscadellu, e giompimus lestros a sos binos ùltimos: Carignanu, Cagnulari, Merlot, Cabernet, San Giovese.

A si atatare de liconias e binu non bi cheret nudda, ma pius a totu su furisteri si podet atatare de ànimu, de briu, de degògliu diveltidu, de boza de istranzos e de boza de istranzare. Intrare in Òschiri pro «Comasinos Abbeltos» diat chèrrere nàrrere connòschere s’oschiresu, sa manera sua de èssere saldu, su essu dìligu de sos màndigos, sa richesa de su cumbidu, sa bellesa de su bonu cumprire. Si diant pòdere tocare cun manu, buca e nare sos nuscos de eris e de oe, sas caras cuntentas chi ponent a cùrrere s’ite fàghere e s’ischire issoro.

Sigomente custa moda, nessi in Òschiri, est naschende como ebbia, e custu pro more de s’Assotziu “Alberto Arberi”, chie benit in bisita b’at a bìdere s’ànimu primalzu de custos abbojos chi gasi bene ant leadu pee in Saldigna (dae Coltes Abbeltas, a Atunzu in Barbagia e a sas Notes Biancas).

Assazos, tastos, nuscos; manos, buca e nare; cumprire, cumbidare, istranzare. Eo mi fia postu in machina e unu brincu bi l’aia fatu. Chie cheret e est acultzu podet finas acudire cun su pullman (s’Autoservizi FAB faghet su servìtziu pro Olbia, Monte, Belchidda, Otieri e Tula), chie benit dae atesu podet passare su note in sos b&b oschiresos.

Sa cosa cumintzat sàpadu a sas bàtoro e mesa de passadu mesudie. Custu no est turismu ebbia, custa est Saldigna. Non manchedas!

Annunci

Un pensiero su “Benide, benide! Pro «Comasinos Abbeltos» in Òschiri, sàpadu custu.

  1. Pingback: Comasinos Abbeltos Oschiri 2014 - Programma

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...