A un’ala cherimus sa bandera noa a s’àtera non si ponet dinare pro Sa Die. E sa limba?

Bandiera

Custu mangianu m’apo lèghidu s’intervista de Sardinia Post a Franciscu Sedda e intitulada «Sedda: “I 4 Mori ci hanno unito nella disunità, ma è ora di cambiare”». Tempus faghet Sedda iscrieit unu libru chi apeit una bella resèssida de venditas e de atentzione: La vera storia della bandiera dei sardi.

A pàrrere meu b’at una bella diferèntzia intre Sedda e Sciola pro comente ant giutu a dae in antis custu arresonu. Sedda b’at fatu unu libru subra, documentadu, in ue iscumbatat chi sa bandera de sos bator moros fiat sa bandera de sos conchistadores de sa Sardigna. L’at giutu in giru custu libru, l’at fatu currere. E ponet una pregunta chi no est cussa de Sciola: proite amus mantesu, belle chena l’ischire, sa bandera de sos conchistadores comente bandera nostra? Ma non isceti de la mantennere, comente est bènnidu su tempus de nde fàghere unu sìmbulu de identidade de sos prus fortes chi amus?

Custu arresonu est unu contu, su de Sciola est totu aterunu faeddare. Sciola no at chircadu sa dignidade de su pòpulu sardu e de s’istòria sua ma una dignidade umana prus in mannu chi, a pàrrere suo, diat dèvere pònnere a banda pinturas chi faeddant de mortos e de gherras comente cussa de sos bator moros. Tando ponimus a banda finas sa rughe de Gesu Cristu e finamentas sos tricolores, àteras banderas-sinnos-pinturas chi naschent dae contos de mortos chi si perdent in su mare mannu de s’istòria. A custu s’agiunghet su fatu chi Sciola pedit su praghere a su padronu de una bandera tricolore istrogada, chi naschet dae una rivolutzione, cussa frantzesa, chi at lassadu bonas ideas ma finas sàmbene meda. E sa legenda narat chi su ruju est su colore de su sàmbene, de sa gherra. Sciola faeddat de solidariedade pro sos presoneris chi li benit mutzada sa conca in Medio Oriente, pro manu de s’Isis, non faeddat de sas cuntierras de s’istòria sarda (punghe inoghe pro lèghere Mortos semus! Como bi cheriat Sciola a fàghere s’àscamu)

Pro su chi pertocat Sedda abarro ispantadu chi pro como apat istelevradu bellas narratziones de sa Sardigna ma chena agatare su logu giustu a su contu de sa limba de sos sardos. Una limba chi est andende dae meda mancari non bèngiat agiuada, chi nch’at barigadu tziviltades e banderas, nostras e angenas. Una limba cun un’istòria totu sua, tzentrale in su fàghere ùrtimu de sos sardos e si cherimus finas ispigru de mala cussèntzia. Una limba faeddada dae su pòpulu ma bida male dae chie cumandat in sa polìtica e in sa cultura. Sa cosa prus manna chi aunit totu sos sardos de mitzas de annos cun sos sardos de como, meda prus de cale si siat bandera. Unu siddadu, su sinnu prus nòdidu de sa presèntzia nostra in su mundu e de comente bidimus custu mundu. Tzertu non m’iseto chi custa pelea si la pòngiant a palas Mannuzzu o Todde o Angioni o Soriga o Costantino Cossu. Ma chi Sedda torret a pensare a su contu de sa limba e la pòngiat ue cheret posta custu mi l’iseto. Isceti una Sardigna chi faeddat su sardu a manera cussente, con totu su chi custu cheret nàrrere, diat èssere pronta a bentulare banderas noas e a remunire sos bator moros in su sostre. Deo naro chi non si podet pensare de fraigare s’Istadu in sa faina culturale chena bi pònnere sa limba in intro.

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...