Cras in Roma, a dae in antis de sos ispetores europeos pro sas limbas minores, su Csu b’est e sa Regione nono

limba_postale

Cras sos ispetores de su Cussìgiu d’Europa sunt in Roma pro averguare chi s’Itàlia apat respetadu sos impignos leados in contu de minorias linguìsticas. Ant addobiare sas delegatziones de onni minoria italiana chi benit tutelada finas in campu europeu.  Pro sa Sardigna, pro more de sa Cunfederatzione de sas Minorias Linguìsticas Italianas, sunt istados cramados a partetzipare Carlo Sechi, ex sìndigu de S’Alighera e ex cussigeri regionale de SEL, isse pro sa limba catalana, e Giuseppe Corongiu, giai diretore de su servìtziu limba sarda de sa regione, teòricu de s’idea de una limba sarda istitutzionale e ufitziale e como unu de sos animadores de su Coordinamentu Sardu Ufitziale, pro sa limba sarda. Propriu sardu e catalanu sunt sas duas limbas minores presentes in Sardigna chi ant finamentas sa tutela europea.

Carlo Sechi

B’at de nàrrere chi a custu importante addòbiu ant a partetzipare finas rapresentantes de sas minorias tedesca, ladina, friulana, otzitana, frantzesa, croata, greca. Amus a nàrrere totu su mundu italianu de sas limbas minores. Su Csu, rapresentadu dae Giuseppe Corongiu, at a nàrrere craru craru cale est s’arresonu: su bessu de sas istitutziones italianas est negativu e tramposu, su dinare est istadu miminadu a 1/10 dae su 1999 a oe, dae Roma non b’at mai àpidu ispinta peruna pro una tutela bera de sa limba sarda, s’Istadu no at mai tramudadu sas cumpetèntzias iscolàsticas a sa Regione e no at mai fatu leges comente si tocat. Sa Rai si nd’afutit, e non pagu, de su chi narat da lege 482 e non dat ispàtziu a su sardu in sa programmatzione sua. In àteras paràulas s’Istadu italianu sighit a fàghere comente semper at fatu, bessat sas limbas minores chena dolu perunu, istrachende sa populatzione e sa gente in custu impignada.

Giuseppe Corongiu

Ateruna cosa nos la devimus preguntare e la devimus finas narrere. Su Coordinamentu Sardu Ufitziale a Roma b’andat e at a èssere presente, ma sa Regione sarda? Ite diant dèvere nàrrere su presidente Pigliaru e s’assessora Firino a sos ispetores europeos? Chi andat totu bene e chi est totu a postu? Chi s’Istadu italianu si pròigat pro sa limba sarda? O forsis devent comintzare a reconnòschere chi est sa regione sarda matessi chi si pròigat pagu pro sa limba de gente sua? A dolu mannu amus iscumbatadu indiferèntzia meda e una faina chi at giutu su servìtziu limba sarda regionale a èssere un’ufitzieddu cale si siat e de pagu contu, imbertu e isperdidu in cussu mundu mannu chi si cramat burocratzia regionale.

Su Coordinamentu Sardu Ufitziale, duncas, sighit sa pelea de sa gente chi at a coro sa limba sarda e chi diat chèrrere bìdere un’incràs beru pro una limba chi at galu meda de dare. Bastat de lu chèrrere. A sa regione unu cussìgiu sintzeru, cumprendat chi incungiare sa pianificatzione linguìstica isceti in intro s’iscola est unu dannu mannu. Sa limba est in totue e si sa limba no est in totue comente faghet una criadura chi la devet impare in iscola a li reconnòschere su crèditu chi mèritat? Est comente a fàghere latinu, est a sighire cudda idea de limba sarda comente limba morta. O no? Si la cherimus bia, imbetze, aberimus.li onni gianna. Su Csu e Giuseppe Corongiu sunt in Roma pro fàghere custu.

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...