Su Casteddu cun Storari comintzat bene su fraigu de sa domo

Una domo si comintzat dae sas fundamentas (in calicunu logu li narant “sas prantas”) e cando faeddamus de fùbalu “sas prantas” sunt su portieri. Fraigare una domo pro sa Serie B, posca de prus de deghe annos, non est cosa fàtzile. Leende unu de sos portieris prus fortes de totu sa Serie A, Marco Storari, su Casteddu si presentat comente iscuadra chi cheret bìnchere su campionadu. Gasi fatende si dat ànimu a una tifoseria proada dae un’istajone metzana acabbada cun sa falada in Serie B. In su 2003 s’isteddu fiat Zola, como at a tocare a Storari, unu chi sardu no est ma chi in Sardigna e in Casteddu b’est giai istadu. S’isperat chi sa sotziedade fatzat finas su logu pro carchi giogadore sardu bonu pro sa categoria. Custa est sa segunda nova prus importante de su marcadu posca de àere leadu Massimo Rastelli comente allenadore. Sa sotziedade at ischirradu unu tècnicu giòvanu chi de seguru at àere gana de fàghere bene e de si pònnere in mustra pro sa Serie A. Pro no èssere tropu bonos naramus chi Storari est importante finas pro agiuare un’allenadore friscu e briosu ma chi pro sa prima borta at a proare sas fortzas suas in un’iscuadra cun s’obrigatzione de sa bìnchida.  Istamus a bìdere ite àteru nos at a dare su marcadu, pro como ischimus chi sa punna est a torrare in Serie A e custu chena mancare.

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...