A fora sa caratza, Mesina no est unu bandidu non delincuente

Mesina

(Post iscritu in su mese de lampadas de su 2013)

Gratzianu Mesina torra acusadu: assòtziu a delincuere cun sa punna de dispatzare droga. Faghimus chi siat beru. Isse podiat èssere s’ùrtimu badidu-brigante cun sa sorte de abarrare imbertu ca proite fiat pastore nòmade e ca proite biviat in una tzivilidade umana totu a contu suo chi Pigliaru at contadu a manera burghesa in “La vendetta barbaricina come ordinamento giuridico” (1959) e chi Cagneta at torradu a manera funguda in “Inchiesta a Orgosolo” (1954). Su tzoroddu, in crae sarda, intre tempus mìticu e tempus istòricu. Nudda ite bidere, s’est acuntentadu de èssere unu pitzocu pugione de sos peus e de una Gomorra cale si siat. O forsis cheriat èssere su narcu-traficante prus mannu de Sardigna cun unu aprovergiu a sa moda de El Indio o El Chapo, comente chi diamus èssere istados in aterue, in logu de nemos.

Dae bandidu (forsis, ma oramai non si bi podet prus creere) non delincuente fìgiu de s’istòria est torradu unu delincuente chi, comente a medas, s’est fatu tènnere cun sos pòddighes in sa droga e sas manos in sas estorsiones. Est istadu (pro isballiu) s’idea bona de su bandidu non mafiosu e de su proite cussu “bandidu” non podiat giughere, pro sa natura sua, a peruna carena de assòtziu a delincuere. Imbetze, a cantu paret, s’est iscumbatadu chi cheriat èssere su boss de una sotziedade de ladrones. A 71 annos, posca de 40 colados in reclusione e una gràtzia giai retzida. Sos orgolesos sunt istados semper curtzos in sos cunfrontos de su mitu Mesina, nointames s’agiudu de importu chi sa fama sua at dadu a su turismu de su logu. Teniant resone, s’idea mìtica de Mesina est agabbada, non cumprida, ma agabbada. E forsis torrat prus custu chi sa fartza redentzione de s’ùrtimu bandidu torradu delincuente. B’ant crèidu tropu e in meda.

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...