M’ais a iscusare, mi naro Sergio Leone e so naschidu su 3 de bennàrgiu de su ’29

A fistful of dollars – Per un pugno di dollari (1964)

In sa tzitade de San Miguel, in sa lacana intre Usa e Messico, lompet unu misteriosu pistoleru a balla sola (Clint Eastwood) dae s’istòria disconnota. Sa bidda est murigada dae duas famìllias rivales, sos Rojo e sos Morales, e su furisteri at a fàghere sa parte pro pònnere tzolocu e si balangiare carchi soddu. Primu capitulu de sa “trilogia del dollaro” (nde faghent parte finas Per qualche dollaro in più, de su 1965, e Il buono, il brutto, il cattivo, de su 1966), Per un pugno di dollari fateit connòschere a su mundu intreu sa bravura de Sergio Leone, s’ograda funguda de Clint Eastwood e sas partiduras musicales de Ennio Morricone.

Risultati immagini per per un pugno di dollari

Risultati immagini per per un pugno di dollari

 

For a Few Dollars MorePer qualche dollaro in più (1965)

Su Moncu (Clint Eastwood) e su Colonnellu (Lee Van Cleef), duos malos catziadores de òmines, si aunint pro agatare e occhìere a Indio (Gian Maria Volonté), sa conca sua balet 10.000 dollaros. Apena fuìdu dae presone, s’Indio ordimingiat una rapina in sa banca de El Paso paris cun sos cumpàngios suos: pro sos duos catziadores est su momentu giustu pro lu tènnere. Segundu capitolu de sa “trilogia del dollaro”, aberta cun Per un pugno di dollari (1964) e chi s’at a tancare s’annu in fatu cun Il buono, il brutto, il cattivo (1966). Per qualche dollaro in più est s’opera chi giughet Sergio Leone a s’iscumbatare regista fatu. Abertu dae un’incipit longu, accumpangiadu dae sas dìligas e perfetas notas de Ennio Morricone, su film torrat s’idea de su tragiu de su regista chi, posca àere torradu a nou su genere western cun su film in antis, si faghet giai Autore mannu.

Risultati immagini per per qualche dollaro in più

 

The Good, the Bad and the UglyIl buono, il brutto, il cattivo (1966)

Il buono, il brutto, il cattivo est unu de sos mègius film  “Spaghetti Western”: cuddos western a s’italiana fatos in sos annos Sessanta e Setanta, belle semper cun pagu dinare, girados in Europa e cun protagonistas chi pròpriu eroes non fiant: non b’aiat mai bonos bonos a beru e malos malos a beru. Posca non b’aiat indianos, ca proite fiat tropu difitzile a los agatare  in Europa in cussos annos. Il buono, il brutto, il cattivo, però, at àpidu unu budget meda artu, ca proite sos duos film de Leone bessidos in antis fiant andados bene e l’aiant permissu de èssere unu de sos pagos registas non americanos capatzos de si fàghere appretziare pro sos western, su genere prus americanu de totus e a pàrrere de meda criticos su “prodotu culturale” prus americanu de semper.

 

Once Upon a Time in the WestC’era una volta il West (1968)

Sas vidas de diversos cristianos faghent a pare ca sunt fatende una ferrovia in mesu a su desertu in su West americanu: Morton (Gabriele Ferzetti), su padronu de sa ferrovia, leat unu killer (Henry Fonda) pro apretare sa famillia McBain a li bèndere su terrinu netzessariu a cumprire sos traballos. In su mentres, unu misteriosu pistoleru a balla sola, aproergiu “Armonica” (Charles Bronson), at unu contu de ischitire cun Frank e at giuradu vindita. Posca de sa “trilogia del dollaro” (Per un pugno di dollari del 1964; Per qualche dollaro in più del 1965; Il buono, il brutto, il cattivo del 1966) chi l’at fatu famadu in totue, Sergio Leone faghet una pellicula fine e prena de sentidos. Unu cantu de su mortu pro unu tempus chi est agabbende e pro unu genere oramai ispuma ispuma. Su donu ùrtimu a sa legenda de su western chi faghet Leone est una sinfonia ispantosa, sas immagines suas e sas musicas de Morricone faghent torrare totu in unu ballu de su mortu. Su meledu subra de su tempus (de s’Istòria, de su tzìnema, de s’ammentu) creschet chena si firmare mai dae s’incipit nòdidu, cun tres personagios chi isetant a sa muda chi lompat su trenu.

Duck, You Sucker!Giù la testa (1971)

1913, Messicu. Su terrorista irlandesu John Mallory (James Coburn) si ponet a ordimingiare cun su bandidu Juan Miranda (Rod Steiger) pro rapinare una banca. Sos duos ant a dèvere cumbatere paris cun sos rivolutzionarios messicanos, fiancu fiancu de Pancho Villa e de Emiliano Zapata. Est s’òpera prus polìtica de Sergio Leone chi, finas abarrende fidele a su tragiu poeticu suo, tzacat in su film un’atza rebelle chi brincat de meda sas lacanas de su genere. Sas pinturas classicas de su western (sa rapina in banca, s’assaltu a su trenu, s’assotziu intre duos bandidos, sa solidade de sos protaginistas) sunt s’aprodu de una lamenta contra onni forma de violentzia subra de sos prus dèbiles e contra un’idea classista de sa sotziedade.

Risultati immagini per giù la testa fotografie

Risultati immagini per giù la testa fotografie

Once Upon a Time in AmericaC’era una volta in America (1984)

Sos ammentos de David Aaronson cramadu Noodles (Scott Schutzman Tiler dae minore, Robert De Niro dae mannu), unu gangster oramai betzu: sa gioventura in su ghetu ebraicu de New York, sas primas furas dae minores, s’amigantzia cun Max Bercovicz (Rusty Jacobs dae minore, James Woods dae mannu), sos annos de su proibitzionismu, sos cordoneris mafiosos chi l’ant a giughere a sa ruìna. E, prus a totu, s’amore tragicu e mai torradu pro Deborah (Jennifer Connelly dae minore, Elizabeth McGovern dae manna). C’era una volta in America est su film chi Leone at bisadu pro totu sa vida, unu testamentu ùrtimu e unu pigare a chelu sa visone cinematografica americana. Baranta annos de istòria intre de amore, morte, amigantzia, traitoria e violentzia, leados dae un’isperiada lughida e sintzera pro more de unu donu a su genere gangster movie. Leende dae su romanzu The Hoods de Harry Grey, Leone isputzit su tempus lineare e fraigat unu giogu fungudu de iscatulas cinesas chi, gràtzias a paritzos andas e torras in su tempus, si faghet pintura de su tempus chi colat. E s’ammentu, ammantadu dae una frina tragica e trista, torrat (forsis) bisu, assortadu a bivere in sa conca de Noodles e marcadu dae sa famada e tantu mentovada incuadradura finale.

Immagine correlata

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...